Керү
Парольне алмаштырырга
Парольне алмаштырырга

Парольне онытсагыз, E-Mail адресыгызны кертегез. Парольне алмаштыру өчен кирәкле мәгълүмат E-Mail адресына җибәреләчәк.

Шәхси кабинетка керү
Техник ярдәм күрсәтүгә хәбәр җибәрү
Сообщить об ошибке
Размер:
AAA
Цвет: CCC
Изображения Вкл.Выкл.
Обычная версия сайта
02.12.2020, 13:39

Казанның танылган музыкаль коллективлары һәм солистлары «Игелек сәнгате» хәйрия концертында чыгыш ясаячак

Тамашачылар сыйфатында анда сәламәтлек мөмкинлекләре чикләнгән балалар һәм өлкәннәр чакырылачак.

Фото: Марат Мугинов

(Казан шәһәре KZN.RU, 2-нче декабрь). 6-нчы декабрьдә Салих Сәйдәшев исемендәге Дәүләт Зур концертлар залында Халыкара инвалидлар көненә багышланган «Игелек сәнгате» хәйрия концерты узачак. Тамашачылар сыйфатында анда сәламәтлек мөмкинлекләре чикләнгән балалар һәм өлкәннәр чакырылачак. Концертта Россия композиторларының, шул исәптән Татарстан композиторларының танылган әсәрләре яңгыраячак.

Ел саен «Игелек сәнгате» концертында Казанның әйдәп баручы музыка коллективлары һәм солистлары катнаша. Алар арасында - София Гобәйдуллина үзәгенең ТР атказанган артисткасы Анна Гөлишамбарова җитәкчелегендәге «Яңа музыка» камера оркестры, Татарстанның атказанган артистлары, халыкара конкурслар лауреатлары Айдар Сөләйманов, Илүсә Хузина, Алинә Шәрипҗанова, Мария Семенова, Алмаз Әхмәтҗанов, Илнар Миранов һәм башкалар.

Профессиональ коллективлар һәм башкаручылар белән бер сәхнәдә сәламәтлек мөмкинлекләре чикләнгән музыкантлар чыгыш ясаячак. Проектның төп максаты - аларның талантларын күрсәтү һәм аларны тормышка ашыру өчен өстәмә мәйданчык бирү.

Концерт 12.00 сәгатькә планлаштырылган, дип хәбәр итә Мәдәният идарәсе.

Барлык яңалыклар